Innovasjon er å utvikle og innføre nye og betre produkt og tenester. Dette inneber blant anna verksemdsforbetringar i form av betre og meir kostnadseffektive prosessar og organisatoriske løysingar. Det er i dag ei kontinuerleg satsing på innovasjon og næringsutvikling i helsesektoren.
Vi arbeider for å utvikle og innføre nyvinningar innanfor behandling og organisering til det beste for pasientar og medarbeidarar. Vi arbeider stadig tettare med kommunar og forskingsavdelingar ved universiteta i regionen for å nå desse måla.
Den felles nasjonale tiltaksplanen fokuserer på fire spesifikke tiltaksområde:
Medisinsk teknologi
Nye løysingar for betre og meir effektiv diagnostikk, behandling og rehabilitering. Nye løysingar som gir hjelp til sjølvhjelp (tekniske hjelpemiddel) for å ta vare på restfunksjonar og auke sjølvstende og livskvalitet og frigjere personellressursar.
Biomedisin
Nye medisinar for betre og meir effektiv førebygging og behandling.
IKT
Nye løysingar for å støtte opp under administrasjon og organisasjon, kommunikasjon og samhandling – heilskaplege behandlingsforløp, informasjon og avgjerdsstøtte, pasientinformasjon og involvering.
Tenesteutvikling
Nye organisatoriske løysingar for betre og meir effektivt helsetilbod til befolkninga.