Helse Vest RHF (regionalt helseføretak) har det overordna ansvaret for spesialisthelsetenesta i Rogaland, Hordaland og Sogn og Fjordane. Helse Vest skal sørgje for at dei rundt 1 million innbyggjarane i regionen får dei spesialisthelsetenestene dei har krav på.
Helse Vest RHF eig dei fem helseføretaka i regionen og er konsernleiing for føretaksgruppa. I tillegg eig Helse Vest IKT-selskapet Helse Vest IKT AS. Konsernbudsjettet for 2010 er på omlag 19,7 milliardar kroner. Det er rundt 50 tilsette i Helse Vest RHF, som held til på Forus i Stavanger kommune.
Helse Vest er eitt av fire regionale helseføretak i Noreg. Dei andre regionale helseføretaka er Helse Sør-Aust, Helse Midt-Noreg og Helse Nord.
Helse Vest og dei andre regionale helseføretaka er direkte underlagt Helse- og omsorgsdepartementet.
Helse Vest eig føretaka som driv sjukehusa og institusjonane. Det er helseføretaka som har arbeidsgivaransvar for dei om lag 28 500 medarbeidarane i regionen.
Føretaka i regionen eig 50 offentlege sjukehus og institusjonar. I tillegg kjem avtalar med private sjukehus og ei rekkje privatpraktiserandre spesialistar.