Raskare tilbake
Sjukemeldte skal raskare få tilbod om behandling eller rehabilitering gjennom tilvising til spesialisthelsetenesta. Ordninga har fått namnet "Raskare tilbake". Det er personar som går på sjukepengar eller som står i fare for sjukemelding på grunn av helsemessige årsaker, som kan få eit tilbod om raskare spesialistbehandling.
Alle fastlegane og andre som kan tilvise til behandling i spesialisthelsetenesta skal vurdere om sjukemelde pasientar kan komme raskare tilbake i jobb gjennom tilvising til spesialisthelsetenesta.
Stortinget har bevilga 604 millionar kroner til kjøp av helse- og rehabiliteringstenester for å få sjukemelde arbeidstakarar raskare tilbake i jobb. Tiltaket er eit ledd i oppfølginga av Sjukefråversutvalet sitt arbeid hausten 2006. Av dei 604 millionane, er 380 millionar øyremerkte spesialisthelsetenesta.
Midlane som dei regionale helseføretaka disponerer blir nytta til behandlings- og rehabiliteringstiltak for at pasientar som er tilviste skal kunne komme raskare tilbake i arbeid. Ordninga skal gjennomførast utan at det fører til ei nedprioritering av øvrige pasientar.
Det er etablert ei rekkje tilbod innan ordninga Raskare tilbake i Helseregion Vest. Ordninga gjelder både innan somatikk, psykisk helsevern, tverfagleg spesialisert rusbehandling og rehabilitering og habilitering.
Publisert
28.05.2010 13:22 |
Endret
09.03.2012 13:26