Helse Vest har ansvaret for dei tverrfaglege spesialiserte rustenestene for innbyggjarane i Rogaland, Hordaland og Sogn og Fjordane.
Her kan du finne ut kven som tilviser til behandlingstilboda for rusmiddelavhengige, krav til kva tilvisinga skal innehalde, korleis tilvisingane blir behandla, og kva behandlingstiltak for rusmiddelavhengige Helse Vest RHF har eller har samarbeidsavtale med.
Ansvaret til Helse Vest RHF
Ansvaret til dei regionale helseføretaka er heimla i lov om spesialisthelsetenester og blir omtalt som tverrfagleg spesialisert behandling for rusmiddelavhengige (TSB).
Ansvaret omfattar:
- avrusing som krev tett medisinsk oppfølging.
- helsefagleg vurdering, utgreiing og kartlegging av behandlingsbehov.
- spesialisert (vesentleg helsefagleg) behandling, poliklinisk eller i institusjon .
- sosialpedagogiske tiltak.
- institusjonsplassar som kan ta imot rusmiddelmisbrukarar med heimel i helse- og omsorgstenestelova §10–2, §10–3 og §10–4.
Pasientar som blir viste til TSB, blir omfatta av gjeldande lovgiving. Det gjeld mellom anna spesialisthelsetenestelova, pasientrettslova og helsepersonellova.