Ventetida til behandling kan variere mykje mellom sjukehusa og institusjonane, både innad i helseregionen og i resten av landet. Som pasient har du rett til sjølv å velje ved kva for eit sjukehus eller institusjon du ønskjer å bli behandla ved.
På nettsida til Fritt sjukehusval finn du ei oversikt over forventa ventetid for ulike typar behandling ved dei ulike sjukehusa og institusjonane i heile landet.
Dersom du har spørsmål om ventetid og fritt sjukehusval kan du også kontakte pasientrådgivartelefonen på 800 41 004. Du kan også ringje pasienthjelparen i Helse Vest, Liv Torunn Rundhovde på gratis grønt nummer 800 41 005.