Nøkkeltal
Se kva føretaka i Helse Vest har levert i 2024.
Dei fire regionale helseføretaka i Noreg, Helse Sør-Øst, Helse Nord, Helse Midt-Norge og Helse Vest, har ansvar for spesialisthelsetenesta i kvar si region.
Vi har to lovpålagde hovudoppgåver
Helse Vest RHF har to hovudoppgåver i spesialisthelsetenesta:
Sørgje-for-ansvar:
- Vi skal sørgje for at befolkninga i regionen får tilbod om spesialisthelsetenester, som pasientbehandling, utdanning, forsking og opplæring av pasientar og pårørande.
Eigaransvar:
- Vi eig helseføretaka i regionen og har ansvar for å organisere sjukehus og andre institusjonar slik at befolkninga får gode spesialisthelsetenester. Dette omfattar òg verksemder som støttar drifta av helsetenesta.
Slik er vi organisert
- Staten eig Helse Vest RHF, og styrer gjennom Helse- og omsorgsdepartementet.
- Helse Vest RHF eig fire sjukehusføretak i regionen, som behandlar pasientar (Helse Stavanger, Helse Bergen, Helse Førde og Helse Fonna).
- Vi eig også dei regionale verksemdene Sjukehusapoteka Vest og Helse Vest IKT AS.
- I tillegg eig vi, i lag med dei tre andre regionale helseføretaka, fem nasjonale tenester, Luftambulansetjenesten HF, Pasientreiser HF, Sykehusinnkjøp HF, Sykehusbygg HF og Helsetjenestens driftsorganisasjon for nødnett HF.
- Vi kjøpar og helsetenester frå private, ideelle insitusjonar og privat aktørar.
- Vi har i samarbeidsavtalar med private legar, psykologar og psykiatrar (avtalespesialistar).
Tenestene skal vere like, godt samordna og effektive – same kvar i landet du bur.
Last updated 1/14/2026