Avvising av søknadar

Databasen blir stengd automatisk. Søknaden kan ikkje ettersendast på e-post. Heller ikkje vedlegg kan endrast eller sendast på e-post etter søknadsfristen. Søknad som er forsøkt levert inn etter at søknadsfristen er gått ut eller sendt på andre måtar enn gjennom eSøknad vil bli avvist. Vedlegg som kjem inn på t.d. e-post vil ikkje bli lagt ved søknaden.  

Søknader som manglar obligatoriske vedlegg, eller der vedlegga ikkje er i høve til krava, vil bli avvist

Sjå retningslinjer for aktuell søknadskategori for informasjon om kva vedlegg som er obligatoriske.

Det er ikkje mogeleg å levere identisk prosjektframstilling (forskingsprotokollar) i fleire søknadskategoriar, til dømes i søknad om doktorgradsstipend og søknad om open prosjektstøtte. Kvar søknad skal speile dei krava som ligg til søknadskategorien, jf. retningslinjer og mal for prosjektframstilling. Ved fleire søknader med identiske protokollar vil alle søknadene bli avviste.

Søkjarar har berre høve til å sende ein søknad for kvar søknadskategori. Dersom ein prosjektleiar sender fleire søknader i same kategori vil alle søknadene bli avviste.

Det er krav om å omtale brukarmedverknad. Dettegjeld også dersom brukarmedverknad ikkje er relevant i det aktuelle prosjektet. I slike tilfelle skal ein grunngje kvifor det ikkje er aktuelt med brukarmedverknad. Dersom prosjektframstillinga manglar informasjon om brukarmedverknad i prosjektet, vil søknaden bli avvist.  

​Jf. Formål og kriterium. Sjå felt i eSøknad og mal for prosjektframstilling.

Forankringsavtale manglar der det er påkrevd:

Dersom søkjar er ikkje tilsett ved eit helseføretak/privat, ideell institusjon i tråd med aktuell søknadskategori, og det ikkje er lagt ved gyldig/oppdatert forankringsavtale, vil søknaden bli avvist. ​Jf. retningslinjer for kven som kan søkje Helse Vests forskingsmidlar og den enkelte søknadskategori.

Feil ved forankringsavtale:

1. Rett versjon av forankringsavtalen er ikkje brukt. ​Det blir laga ny mal for forankringsavtale for kvar utlysing. Malen kan lastast ned frå nettsidene til Helse Vest.
2. Forankringsavtalen manglar signeringsdato og/eller gyldige underskrifter. ​Avtalen skal signerast for denne søknadsrunden og i tråd med fullmaktstrukturen i institusjonane, og skal vere minimum på nivået klinikkdirektør, instituttleiar o.l.

Særleg for doktorgradsstipend:
Dersom verken stipendiat, hovudrettleiar eller prosjektleiar er tilsett i minst 20 prosent stilling ved godkjend søknadsinstitusjon, og det  ikkje er lagt ved gyldig forankringsavtale, vil søknaden bli avvist.

​J​f. retningslinjer for kven som kan søkje Helse Vests forskingsmidlar, og retningslinjer for doktorgradsstipend.

Dersom budsjettet er ikkje i tråd med budsjettkrava i den aktuelle kategorien, til dømes at det er søkt om dekning av andre kostnadar enn dei Helse Vest forskingsmidlar skal nyttast til, vil søknaden bli avvist.  ​Jf. retningslinjer for open prosjektstøtte og forskarstipend.​

Dersom søkjar ikkje har avlagt mastergrad (evt. medisinutdanning eller annan profesjonsutdanning som kan vere opptaksgrunnlag for doktorgrad) på søknadstidspunktet, blir søknaden avvist.

​Ved søknadar om doktorgradsstipend er vitnemål og karakterutskrift frå masterutdanninga ein del av vurderinga, og dette skal leggjast ved søknaden. Kandidaten skal derfor ha avlagt mastergrad og motteke dokumentasjon på dette før søknad om doktorgradsstipend blir send inn. Jf. retningslinjer for doktorgradsstipend.

Dersom kandidaten har utdanning frå Noreg eller utlandet som klart ikkje fyller opptakskrav til ph.d.-program ved doktorgradsgivande institusjon i regionen, vil søknaden bli avvist.

Det blir ikkje gitt stipend dersom kandidaten ikkje vil vere ferdig med doktorgrad innan prosjektstart (seinast 1. juli i første tildelingsår). Dersom disputas ikkje er gjennomført på søknadstidspunktet, skal rettleiarerklæring der det går fram kor langt kandidaten er komen, og når det er planlagt innlevering/disputas, ligge ved søknaden. Dersom dette manglar, vil søknaden bli avvist.  

Dersom søkjar (prosjektleiar) ikkje har avlagt doktorgrad, vil søknaden bli avvist.

Dersom søkjar er omfatta av karantenereglane og difor ikkje kan søkje Helse Vest forskingsmidlar dette året, vil søknaden bli avvist.

​Sjå retningslinjene for open prosjektstøtte.​