Søk Helse Vests forskingsmidlar for 2022
Forskingsmidlane i Helse Vest skal medverke til å sikre forskingsaktivitet i helseføretaka i regionen. Fristen for å søkje midlane er 15. september 2021 kl. 23:59.
Publisert 25.06.2021
![Pleier, smiler. Foto.](/49a162/contentassets/08587de2c28645fbb530d3c834d25be7/pleier-nal.jpg?format=webp&width=900&height=600&quality=80)
Forskingsmidlane skal vere eit insentiv og økonomisk bidrag til å få meir forsking av god kvalitet, og for å byggje forskingskompetanse gjennom tildeling av doktorgrads- og postdoktorstipend.
Regjeringas handlingsplan for kliniske studier har vore førande for den nye søknadskategorien Klinisk karrierestipend. I tillegg har samarbeidsorganet mellom Helse Vest og universitet og høgskulen i regionen bede om auka fokus på brukarmedverknad i forskinga. Søknadar kan bli lagde til side dersom det ikkje er gjort greie for brukarmedverknad i prosjektet.