Helse Vest RHF søkjer ny fagdirektør
Vi søkjer ein fagdirektør med brei samfunnsforståing og god innsikt i sentrale utviklingstrekk innanfor nasjonale og internasjonale fagmiljø for helse.
![Helse Vest-logo på en vegg. Foto.](/49a148/contentassets/ab7accb0084a41dfa32864de1ac975fb/helse-vest-logo-pa-vegg.jpg?format=webp&width=900&height=600&quality=80)
Som fagdirektør i Helse Vest RHF må du ha høg fagleg integritet, vere offensiv, leveransedyktig og vere ein samarbeidsorientert leiar som vil vere premissgivar for, og leie strategiske prosessar – og dessutan bidra til at det regionale helseføretaket når måla sine, til det beste for pasientane.
Andre viktige kvalifikasjonar for stillinga er solid og stor fagleg kapasitet og evne til å skape tillit og samhandling både internt i føretaksgruppa, i dialog med medarbeidarar, brukarar og med andre samarbeidspartar regionalt og nasjonalt.
Interesse for kvalitetsforbetring, beste praksis og pasienttryggleik er ein føresetnad, saman med vilje til å finne nye løysingar og samhandlingsformer både regionalt og nasjonalt. Dette krev analytisk tilnærming, heilskapleg tenking og god relasjonsbygging.
![Fire personar snakkar saman. Foto](/49a149/contentassets/ab7accb0084a41dfa32864de1ac975fb/ansatte-helsevest5.jpg?width=3000&height=2000&quality=80&format=webp)
Foto: Kjetil Alsvik