Nye nasjonale tenester

​Helse- og omsorgsdepartementet har delegert til Helsedirektoratet å ta avgjerd om oppretting og avvikling av nasjonale tenester.

I samsvar med Veileder for nasjonale tjenester er det dei regionale helseføretaka (RHF-a) som kan søkje til Helsedirektoratet om godkjenning av nye nasjonale tenester. Søknadsfrist er 15. januar kvart år.

​​Fleire søknadar

Alle helseføretak blir med dette invitert til å søkje om nye nasjonale tjenester. Det er mogleg å søkje om nasjonale behandlingstenester, fleirregionale behandlingstenester og nasjonale kompetansetenester. Vi gjer merksam på at regelverket for kompetansetenester er endra, jf. Veileder for nasjonale tjenester i spesialisthelsetjenesten. 

Søknadsskjema og rettleing er tilgjengeleg frå dei regionale servicemiljøa.

– Sjukehusa må sjølv vurdere aktuelle søknadar. Dersom det er aktuelt å fremje fleire søknadar, må føretaket gjere ei samla vurdering og prioritering av søknadane i tråd med kriteria for nasjonale tenester, seier seniorrådgivar Gjertrud Jacobsen i Helse Vest RHF.

Samordnar

Kvart RHF samordnar sine søknadar basert på dei som er sende inn frå helseføretaka i eigen region.

Etter at regionane har prioritert sine søknadar i eigne prosessar, vurderer interregionalt fagdirektørmøte 11. desember 2023 kva søknadar som skal sendast til Helsedirektoratet 15. januar 2024.

Nasjonale tjenester i spesialisthelsetjenesten er ei fellesnemning for:

• nasjonale behandlingstenester
• fleirregionale behandlingstenester
• nasjonale kompetansetenester i spesialisthelsetenesta