Helse Vests forskingsmidlar
Strategiske midlar til mindre helseføretak
Det regionale samarbeidsorganet for forsking og innovasjon har 10. april 2025 tildelt midlar til fem søknader om strategiske forskingsmidlar til mindre helseføretak i Helse Vest. Søknadene er vurdert av ein ekstern vurderingskomité, med utgangspunkt i dei likestilte kriteria vitskapeleg kvalitet og nytteverdi for pasienter og helsetenesta.
Formålet med satsinga er å styrke forskingsverksemda og bygge gode forskingsmiljø i mindre helseføretak og i private, ideelle institusjonar som har avtale med Helse Vest. Dette skjer gjennom etablering av større prosjekt innan fagområde som er av stor betyding for søkjarinstitusjonen og/eller strategisk kompetansebygging knytt til Vestlandslegen.
Det var mogleg å søkje i to søknadskategorier:
- Strategisk satsing (prosjektstøtte)
- Strategisk kompetansebygging (retta mot Vestlandslegen)
Vurderingsarbeidet ble leia av professor Jorunn Helbostad. Komiteen la vekt på vitskapeleg kvalitet og nytte (klinisk relevans) i si vurdering, og alle prosjekta er vurdert for brukarmedverknad.
Komiteen peika på at mange av søknadene held høg kvalitet, med sterke prosjektleiarar og solide prosjektgrupper. Fleire har gjort godt greie for korleis prosjekta skal bidra til auka forskingsaktivitet, kompetanse og kultur lokalt. Dette viser kor viktig satsinga er for å støtte forsking i mindre helseføretak.
Komiteen meinte også det var positivt at helseføretaka bidreg økonomisk gjennom eigendel, noko som styrker forankringa og viser at forskinga er høgt prioritert.
Sjå prosjekta som fekk tildelt midlar