3,1 millionar kroner til forbetringsprosjekt i Helse Vest

Helse Vest deler kvart år ut såkalla såkornmidlar, for å stimulere til pasientsikkerheits- og forbetringsarbeid i regionen. Midlane går til prosjekt som er forankra i helseføretaka, inkludert private, ideelle institusjonar i Helse Vest. 

Sjå heile oversikta over kven som har fått støtte, nedst i saka. 

– Såkornmidlane gir rom for å prøve ut gode idear i liten skala. Prosjekta handlar om konkrete forbetringar i arbeidskvardagen, eksempelvis å få på plass ein ny rutine eller arbeidsflyt. Fleire av tiltaka kan ha stor overføringsverdi til andre avdelingar og sjukehus, seier Charlotta Schaefer, seniorrådgjevar i Helse Vest RHF.  

Støtte til lokale initiativ 

Kvart helseføretak og kvar institusjon sender inn prosjekta i ønskja prioriterte rekkefølgje. Det er viktig at prosjekta som mottar midlar, understøtter sjukehusa og helseføretaka sine strategiar og satsingsområde.  

Det kom inn 49 søknader  

I årets søknadsrunde mottok Helse Vest 49 søknader. Av desse kom 37 frå helseføretaka, medan 12 kom frå private og ideelle institusjonar. 

Prosjekta er vurderte ut frå kvalitet på søknaden, realisme i gjennomføring, og om prosjektet eignar seg som eit godt forbetringsprosjekt innanfor rammene av såkornordninga. Helse Vest tek utgangspunkt i prioriteringane som helseføretaka sjølve har gjort. 

Desse prosjekta får såkornmidlar i 2026 

Helse Fonna – 450 000 kroner 

• Early bird – tidleg utreise for pasientar innlagt ved lungeposten (175 000) 

• Auka overleving innan 30 dagar etter hoftebrot (175 000) 

• Bomtur pasientreiser (100 000) 
  

Helse Førde – 435 000 kroner 

• Overgang mellom prehospital og hospitalt forløp – ansvarsoverføring og pasientoverlevering (125 000) 

• Styrking av sjukepleiarrolla i kreftpoliklinikken for CDK4/6 oppfølging - rutinebygging og train the trainer som førebuing til KAIKU (125 000) 

• Vegen mot eit betre og tryggare samval for dialysepasientane (100 000) 

• Tverrfagleg ortopedisk poliklinikk (85 000) 

Helse Bergen – 1 000 000 kroner 

• Regional EEG-plattform (150 000) 

• Tverrfagleg utgreiingsprosess for born og unge med langvarig utmattelse (175 000) 

• Trygg konsistenstilpassing med IDDSI (175 000) 

• Digital kurskatalog for foreldre (175 000) 

• Når renhold møter helsefag (125 000) 

• Involvering av pårørande i RAS (100 000) 

• Digital CPAP-skole (100 000) 

Helse Stavanger – 765 000 kroner 

• Innføring av sikkerhetsvotter på slagenheten for å redusere autoseponering av nasogastrisk sonde (120 000) 

• Trygg antibiotikabehandling: Kort tid til første dose og stabil dosering gjennom hele døgnet (140 000) 

• Optimalisering av mottak for kritisk syke voksne - et forbedringsprosjekt (140 000) 

• Implementering av intensiv angstbehandling (B4DT) for alvorlige angstlidelser ved Stavanger DPS (125 000)  

• Integrert affektiv poliklinikk (120 000) 

• Pasientforløp for barn med diabetes type 1 (120 000) 

Andre institusjonar – 450 000 kroner  

• SAV: Optimalisering av farmasøytiske tjenester på ortopedisk post (150 000) 

• Haraldsplass diakonale sjukehus: Videreutvikle systematisk kartlegging og prehabilitering – SKOP 2.0 for pasienter med nydiagnostisert tarmkreft (150 000) 

• Jæren DPS: Styrking av MAP-kompetanse (150 000)