Desse pasient- og brukarorganisasjonane får støtte frå Helse Vest i 2026
Helse Vest RHF deler ut om lag 12,7 millionar kroner i støtte til pasient- og brukarorganisasjonar i 2026. Tilskotet skal styrkje brukarmedverknad, opplæring og likepersonsarbeid i spesialisthelsetenesta.
Saka oppsummert
- Helse Vest gir om lag 12,7 millionar kroner i støtte til pasient- og brukarorganisasjonar i 2026, for å styrkje brukarmedverknad, opplæring og likepersonsarbeid.
- Det kom inn 91 søknader med ein samla søknadssum på 30,8 millionar kroner, og dei fleste organisasjonane får støtte, men mindre enn dei søkte om.
- Tilskota går hovudsakleg til aktivitetar som støttar spesialisthelsetenesta, som informasjon, opplæring og likepersonsarbeid.
- Nokre større tilskot går til felles løysingar som brukarsenter, der fleire mindre organisasjonar får tilgang til kontor, møtelokale og fagleg støtte.
Helse Vest fekk søknader frå 91 pasient- og brukarorganisasjonar i år.
– Helse Vest RHF gir støtte til desse organisasjonane då dei er gode støttespelarar for spesialisthelsetenesta, og jobben dei gjer er avgjerande for brukarmedverknaden, seier Bjørn Egil Vikse, fagdirektør i Helse Vest RHF.
Slik har Helse Vest vurdert søknadene
– Tilskota blir i hovudsak gitt til drift og aktivitetar som støttar oppgåvene i spesialisthelsetenesta. Det er for eksempel likepersonsarbeid, informasjon og opplæring, seier Vikse.
Når Helse Vest vurderer storleiken på tilskota, blir det lagt vekt på fleire forhold, mellom anna budsjettramma, tal på søknader, kva det er søkt om midlar til, storleiken på organisasjonen og tidlegare tildelingar. Dei fleste organisasjonane får støtte, men med lågare beløp enn dei har søkt om.
Foto: Helse Vest/Jan Inge Haga
Prioriterer felles løysingar og brukarsenter
Tre organisasjonar får over éin million kroner i tilskot. To av dei er fylkeslaga til FFO (Funksjonshemmedes Fellesorganisasjon), som driv eigne FI-senter (Funksjonshemmedes Informasjonssenter). Gjennom desse sentera får mange mindre organisasjonar tilgang til kontor, møtelokale og fagleg støtte. Den tredje organisasjonen er Brukarhuset i Helse Fonna-regionen.
– Helse Vest meiner denne prioriteringa gir god bruk av midlane, og styrkjer brukarorganisasjonane i heile regionen, avsluttar Vikse.
Her er tildelingane
| Navn | Beløp |
|---|---|
| A-larm | 65 000 |
| Autismeforeningen Hordaland fylkeslag | 45 000 |
| Bekhterevforeningen Bergen og omegn | 10 000 |
| Bergen MS forening | 10 000 |
| Bipolarforeningen Norge | 20 000 |
| Blodkreftforeningen | 10 000 |
| Brukerhuset i Helse Fonna-regionen | 1 350 000 |
| Carcinor Vest | 10 000 |
| Cerebral Parese foreningen (CP) Vestland | 40 000 |
| Epilepsiforeningen i Sør-Rogaland | 20 000 |
| Fellesgruppen for kreftrammede | 15 000 |
| FFO Vestland | 3 400 000 |
| FFO Rogaland | 2 150 000 |
| Foreningen for Fragilt X-syndrom | 15 000 |
| Foreningen for Human Narkotikapolitikk, Vest | 10 000 |
| Gynkreftforeningen | 15 000 |
| Foreningen for kroniske smertepasienter, Bergen og omegn | 20 000 |
| Foreningen for kroniske smertepasienter Haugesund og omegn | 20 000 |
| Foreningen for kroniske smertepasienter Sogndal og omegn | 10 000 |
| Foreningen for Muskelsyke Vestland | 20 000 |
| Foreningen Rastløse Bein (RLS Norge) | 15 000 |
| Harry Benjamin ressurssenter | 20 000 |
| Haugaland MS forening | 15 000 |
| HivNorge | 20 000 |
| Hodepine Norge, Rogaland | 10 000 |
| Hørselshemmedes Landsforbund, Vestland | 130 000 |
| Kreftforeningens distriktskontor Stavanger og distriktskontor Bergen | 100 000 |
| Kreftomsorg Rogaland | 50 000 |
| Landsforeningen for Hjerte- og lungesyke (LHL) Rogaland | 40 000 |
| Landsforeningen for Hjerte- og lungesyke (LHL) Vestland | 65 000 |
| Landsforeningen for nyresyke og transplanterte, Vestland | 20 000 |
| Landsforeningen for nyresyke og transplanterte, Rogaland | 20 000 |
| Landsforeningen for pårørende innen psykiatri Sogn og Fjordane | 40 000 |
| Mage-tarmforbundet Rogaland | 15 000 |
| LEVE Rogaland fylkeslag | 15 000 |
| Lungekreftforeningen | 15 000 |
| Løvemammaene | 40 000 |
| Mental Helse Vestland | 130 000 |
| Mental Helse Sør Vest (Rogaland) | 130 000 |
| Mental Helse Ungdom Vest | 130 000 |
| Momentum Vest | 10 000 |
| Morbus Addison forening, HYBI, Rogaland fylkeslag | 25 000 |
| Multippel Skleroseforbundet region vest | 20 000 |
| Multippel Skleroseforbundet, Rogaland fylkeslag | 10 000 |
| Munn- og halskreftforeningen, Vestland | 20 000 |
| Nasjonalforeningen for folkehelsen, Rogaland | 30 000 |
| Nok Bergen - Kompetansesenter mot seksuelle overgrep | 550 000 |
| Nok Sør-Vest - Kompetansesenter mot seksuelle overgrep | 450 000 |
| Nok Sogn og Fjordane - Kompetansesenter mot seksuelle overgrep | 120 000 |
| Norges Astma- og allergiforbund , Region Vest | 100 000 |
| Norges Blindeforbund Hordaland | 190 000 |
| Norges Blindeforbund Rogaland | 100 000 |
| Norges Blindeforbund Sogn og Fjordane | 65 000 |
| Norges Diabetesforbund Vestland | 135 000 |
| Norges Diabetesforbund Rogaland | 110 000 |
| Norges Døveforbund Stavanger | 15 000 |
| Norges Handikapforbund Nord Vest | 45 000 |
| Norges Handikapforbund region Sørvest | 210 000 |
| Norges ME-forening, Rogaland fylkeslag | 20 000 |
| Norges ME-forening, Vestland fylkeslag | 20 000 |
| NORILCO avd. Sør-Rogaland | 30 000 |
| NORILCO Vestland | 30 000 |
| Norsk Cøliakiforening | 10 000 |
| Norsk Cøliakiforening Rogaland fylkeslag | 10 000 |
| Norsk Forbund for Utviklingshemmede, Vestland | 90 000 |
| Norsk Forening for anorektale misdannelser | 20 000 |
| Norsk forening for brannskadde | 20 000 |
| Norsk forening for Nevrofibromatose Vestland | 10 000 |
| Norsk forening for Nevrofibromatose Rogaland | 10 000 |
| Norsk Glaukomforening | 10 000 |
| Norsk Lymfødem- og lipødemforbund | 20 000 |
| Norsk Revmatikerforbund Hordaland | 150 000 |
| Norsk Revmatikerforbund Rogaland | 110 000 |
| Norsk Revmatikerforbund Sogn og Fjordane | 70 000 |
| Norsk Tourette forening | 40 000 |
| Norsk Tourette forening Vestland fylkeslag | 30 000 |
| Norsk Tourette forening Rogaland fylkeslag | 25 000 |
| proLAR - Nasjonalt forbund for folk i LAR | 80 000 |
| Psoriasis - og eksemforbundet Bergen og omegn | 30 000 |
| Psoriasis- og eksemsforbundet i Rogaland | 25 000 |
| Psykiatrialliansen | 15 000 |
| Rusmisbrukernes interesseorganisasjon | 280 000 |
| Ryggforeningen i Norge | 15 000 |
| Ryggforeningen i Norge, Hordaland fylkeslag | 10 000 |
| SAFO Nord Vest | 20 000 |
| SAFO SørVest | 120 000 |
| Stiftelsen Psykiatrisk Opplysning | 220 000 |
| Stiftelsen PårørendeSenteret | 350 000 |
| Stoffskifteforbundet, Bergen og omegn | 15 000 |
| Stoffskifteforbundet Haugaland lokallag | 10 000 |
| Søvnforeningen | 10 000 |
| Veiledningssenteret for pårørende i Vest-Norge | 350 000 |