Digitalisering i Helse Vest

Området Pasientbehandling skal sørge for at helseføretaka i Helse Vest i fellesskap har digitale verktøy som opplevast som gode i bruk, støttar den kliniske verksemda og bidreg til auka pasienttryggleik.

Området pasientbehandling er det største området i styringsstrukturen for digitalisering og er delt inn i seks delområde:

• Journaldokumentasjon
• Støtte til kliniske einingar
• Digitale helsetenester
• Legemiddel og kurve
• Lab
• Bilde

Journaldokumentasjon: 

Delområdet støtte til kliniske einingar: 

Støtte til kliniske einingar skal gjere kvardagen enklare for leiarar, medarbeidarar, pasientar og pårørande.

Dette delområdet har ansvar for tenester som gjer viktig informasjon oversiktleg og lett tilgjengeleg for medarbeidarane ved sjukehusa i Helse Vest. Tenestene støttar helselogistikk og samhandling, og omfattar løysingar som portørtenester, pasientlogistikk, varsling, innsjekk og betaling for pasientar.

Delområdet jobbar også med planlegging og betre systemstøtte.

Delområdet digitale helsetenester:

Digitale helsetenester skal bidra til at fleire pasientar får god og tilpassa helsehjelp, og opplever auka meistring og involvering i eiga helse.

Helsepersonell skal oppleve ein enklare kvardag ved at dei i større grad kan bruke meir tid på pasientane som har størst behov, og mindre på dokumentasjon.

Viktige satsingar er:

• behovsstyrt oppfølging med mål om å unngå unødvendige konsultasjonar
• rettleidd digital behandling (eBehandling)
• digital pasientopplæring og meistringskurs
• deling av journaldokument, prøvesvar og liknande med pasientar og i helsetenesta
• pasientinvolvert planlegging

Les meir om kva vi jobbar mot i strategien vår, og sjå filmen som forklarer han.

Legemiddel og kurve: 

Delområdet Lab: 

Saman skal vi bidra til å utvikle og forbetre digitale verktøy for laboratorieområdet, slik at kvardagen blir enklare for både pasientar og helsepersonell.

Her er nokre av aktivitetane og prosjekta vi i delområdet lab jobbar med:

• nasjonal satsing på deling av pasientens rekvisisjonar – Prosjekt Pasientens rekvisisjonar (regionalt prosjekt) og Pasientens rekvisisjoner – Norsk helsenett
• DEBRA – App for prøvetaking
• digitalisering av blod- og beinmargsutstryk
• kontinuerleg forbetring av regionale system innan laboratorieområdet
• labinnsikt, styringsdata og rapportar
• nasjonalt genomsenter –  Etablering av et nasjonalt genomsenter med tilhørende registerløsninger - Helsedirektoratet  

Delområdet bilde

I delområdet Bilete ønskjer vi å bidra til at helsetenestene i Helse Vest blir meir effektive og held høg kvalitet. Det gjer vi ved å støtte opp under digitaliseringsarbeidet og ved å utvikle løysingar som møter behova til både pasientar og tilsette.

Vi jobbar kontinuerleg med å:

• få innsikt i nye brukarbehov
• forbetre og vidareutvikle eksisterande biletløysingar
• samarbeide tett med helsepersonell og teknologar

Fire mål for framtida

Leiargruppa for biletområdet har peika ut fire mål som skal styre arbeidet vidare:

• tilgjengelegheit -  enkel tilgang til pasienten sine bileteundersøkingar  
• kunstig intelligens -  kunstig intelligens blir nytta på ein trygg og effektiv måte  
• aktiv brukarinvolvering - aktiv involvering av tilsette for å sikre gode arbeidsprosessar 
• synlegheit -  bruken av bilete er kjent for å bidra til ei effektiv helseteneste  
  
  

Området økonomi og forsyning jobbar med å sikre strukturert gjennomføring av leveransar og aktivitetar innan våre fagområde: masterdata, rekneskap, sterilforsyning, verksemdsstyring, innkjøp og logistikk.

Vi legg vekt på forbetringar, kvalitetssikring og styring gjennom felles strukturar. Arbeidet er organisert i produktområde med underliggjande dedikerte team. Vi jobbar etter smidige metodar og brukar verktøy som AzureDevOps, Teams og SharePoint for å sikre god oversikt og effektiv samhandling.

Området følgjer arkitekturprinsippa til Helse Vest IKT og har tydelege rutinar for testing, dokumentasjon og rapportering.

Området infrastruktur for sjukehusdrift skal bidra til at føretaksgruppa i Helse Vest samla, gjennom digitale løysingar, når måla sine om effektiv drift av bygg, anlegg, infrastruktur og utstyr.

Området skal òg leggje til rette for brukarorienterte, effektive og gode servicetenester.

Dette omfattar:

• Forvaltning, drift, vedlikehald og utvikling av eigedom, bygg og infrastruktur.
• Forvaltning, drift, vedlikehald og utvikling av teknisk og medisinteknisk utstyr.
• Servicetenester knytte til eigedomsdrift, forsyning, reinhald, matproduksjon, logistikk og andre ikkje-medisinske støttetenester.

MOT-området skal arbeide med kontinuerleg forbetring for å utvikle gode løysingar for leiarar, medarbeidarar og pasientar.

Områda for medarbeidar, organisasjon, analyse, utdanning og kompetanse, samt internkommunikasjon og samhandling, skal bidra til at føretaksgruppa i Helse Vest når sine strategiske mål. Dette inneber støtte til leiarar, og arbeid med å behalde, utvikle og rekruttere fagleg kompetanse.

Digitaliseringa skal støtte ei effektiv og berekraftig drift ved å:

• Redusere behovet for auka bemanning
• Leggje til rette for framtidsretta oppgåvedeling
• Støtte leiarar og medarbeidarar i arbeidet ved å legge forholda best mogleg til rette for god drift  
• Bidra til å bevare kvalitet og styrkje pasienttryggleiken

Felles regionale løysingar skal støtte felles arbeidsprosessar. Det skal også vurderast å ta i bruk moglegheitene som skytjenester gir, basert på felles regionale ambisjonar for digitalisering i Helse Vest.

Modernisert Folkeregister