Nye samarbeidsrutinar for strakstilbod hos Statped
Avtale med Statped
Alle helseføretaka i Helse Vest har signert samarbeidsavtalar med Statped. Målet er å gi familiar med samansette behov meir samordna hjelp og likeverdige tenester, uavhengig av kvar dei bur.
Som hovudregel er det pedagogisk-psykologisk teneste (PPT) som kan søkje om tenester frå Statped, men spesialisthelsetenesta kan tilvise direkte til Statped for enkelte pasientgrupper.
Dette gjeld følgjande tenester, der det er utvikla nye samhandlingsrutinar:
- Strakstilbod ved nyoppdaga høyrselstap
- Strakstilbod ved nyoppdaga alvorleg synssvekking eller blindheit
- Strakstilbod ved erverva hjerneskade
I tillegg kan fleirregional behandlingsteneste for leppe-kjeve-ganespalte ved Oslo universitetssjukehus HF og Helse Bergen HF tilvise direkte til Statped. Logopedisk hjelp frå Statped er ein del av det tverrfaglege tenestetilbodet for barn og unge som er fødde med spalte.