Vi tilrår at du alltid nyttar siste versjon av nettlesaren din.

Midlar til forsking på data frå medisinske kvalitetsregister

Overordnede føringar slår fast at medisinske kvalitetsregistre med nasjonal status mellom anna skal nyttast til vitskapelege formål. Det lyses derfor ut midlar til inntil 10 stipend for forskingsprosjekt som nyttar data frå eitt eller fleire medisinske kvalitetsregister med nasjonal status.

Formålet med utlysinga er å auke forsking på data frå medisinske kvalitetsregister med nasjonal status forankra i regionen. Minst eitt av desse registera må derfor vere blant dei 22 kvalitetsregistera forankra i regionen. Midlane vest lyst ut som ein eingongsutlysing.   

Data frå kvalitetsregister kan brukast på ulike måtar i forskingssamanheng. Det kan vere som grunnlag for kliniske utprøvingar, observasjonsstudiar eller registerbaserte randomiserte studiar. 

Søknaden skal leverast via eSøknad.  

Søknadsfristen er 1.oktober kl. 16.00

  • Søknaden må falle innanfor formålet med utlysinga. 
  • Søkar må ha avlagt doktorgrad og vere tilsett i eit helseføretak eller ein privat, ideell institusjon i regionen i minst 50 prosent stilling. Fullført doktorgrad og tilsetting (inkl. tilsettingsprosent) må gå frem av søkars CV.  
  • Prosjektet skal ha dokumentert leiarforankring. 
  • Prosjektet må ha ei tidsavgrensing på 1 år. 
  • Prosjektet må kunne starte opp innan 1. april 2026. 

Søkar må ha avlagt doktorgrad og vere tilsett ved eit helseføretak eller ein privat, ideell institusjon i regionen i minst 50 prosent stilling på søknadstidspunkt. Det kan søkast om stipend i inntil eitt år i 50 % stilling. Det vert tildelt ein rundsumsbevilgning på kr 675 000. Prosjektperioden er inntil 1 år.​ 

 

Søkar kan ikkje sende inn fleire søknader til utlysinga. 

Søknadane blir vurdert på bakgrunn av det som blir lagt inn elektronisk søknadsskjema. Vedlegg skal kun gjelde søkars CV og leiarforankring. 

Registerkvalitet blir vurdert ut i frå ein stadieinndeling (stadium frå 1 til 4), der det for stadium 4 er krav om vitskapeleg bruk. Det er eit mål at alle register skal nå stadium 4. Gitt elles likestilte prosjekt ut i frå kriteria for vitskapeleg kvalitet og nytte, kan prosjekt som nyttar data frå register der data ikkje tidligare har vore brukt vitskapeleg, og som dermed ikkje er vurdert til stadium 4, vert prioritert.  

Søknadar som ikkje oppfyller krava i utlysinga vil ikkje bli vurdert. 

Ein vitskapeleg komité vurderer søknadene ut frå vitskapeleg kvalitet og klinisk nytte for spesialisthelsetenesta.  

Det skal lastast opp to vedlegg til søknaden.

  1. Prosjektframstillinga:
    Det er utarbeidd ein mal for prosjektframstillinga. Det er tilrådd at malen nyttast innsending av søknad. I denne vil du finne informasjon om kva element som bør inngå i prosjektframstillinga. Prosjektframstillinga skal lastast opp som vedlegg til søknaden (PDF-format).

  2. Søkaren skal leggje ved CV. Tilsetting og stillingsprosent må komme fram i CV.

 

Det skal utarbeidast ein rekneskapsrapport. Ubrukte midlar kan berre unntaksvis overførast utover prosjektperioden og då etter særskilt grunngjeving. Søknad om overføring av midlar må sendast til Fagsenter for medisinske kvalitetsregister i Helse Vest seinast november året etter tildeling. Ubrukte midlar kan berre overførast ein gong. Det skal og bli levert ein sluttrapport ved prosjektslutt.

Spørsmål til utlysinga kan rettast til Fagsenter for medisinske kvalitetsregistre i Helse Vest, kvalitetsregistre@helse-vest.no.  

Sist oppdatert 21.08.2025