Betre tenester blir skapte saman med pasientane
Regionalt brukarutval peikar på at utviklingsplanen for Helse Vest byggjer på eit sterkt og nødvendig samarbeid mellom helsetenesta og pasientane.
Systematisk bruk av pasientrapporterte data, tett involvering av brukarrepresentantar og styrkt samarbeid med pasient- og brukarorganisasjonar er avgjerande for å utvikle berekraftige og likeverdige helsetenester.
Særleg blir lærings- og meistringstenestene (LMS) framheva som eit viktig verkemiddel for å styrkje helsekompetansen og meistringsevna til pasientane. Det kan gi større tryggleik og betre helseutfall, og bidra til meir berekraftig bruk av ressursane i helsetenesta.
Sist oppdatert 21.09.2026