Dette er oppdraga vi skal løyse i 2026

Sjå oppdragsdokumentet for 2026 på nettsida til HOD.

I midten av januar kvart år gir HOD oppdrag til dei regionale helseføretaka. Det består av oppgåver som skal løysast av spesialisthelsetenesta det kommande året. I føretaksmøte tysdag fekk Helse Vest RHF oppdraga som gjeld for 2026, etter at helse- og omsorgsminister Jan Christian Vestre heldt helsetalen.

– Oppdraga er førande for det vi gjer det neste året. For 2026 kjem det blant anna til å handle om beredskap, rask tilgang til helsetenesta og samanhengande pasientforløp, og å halde fram styrkinga av psykisk helsevern og rus. Vidare skal vi legge til rette for å behalde og rekruttere dyktige medarbeidarar, forsking, innovasjon og digitalisering framover, seier Inger Cathrine Bryne, administrerande direktør i Helse Vest RHF.

Hovudmåla for 2026

Oppdraga har desse overordna måla:

Rask tilgang til trygge helsetenester av høg kvalitet og samanhengande pasientforløp.
Styrke psykisk helsevern og tverrfagleg spesialisert rusbehandling.
Kunnskapsbaserte og berekraftige tenester gjennom forsking, innovasjon og næringslivssamarbeid.
Vår felles helseteneste skal vere fagfolka sin føretrekte arbeidsplass.
Spesialisthelsetenesta bidreg til samfunnstryggleik og er førebudd på kriser og krig.
Ei berekraftig drift og utvikling av spesialisthelsetenesta og god personellbruk.

HOD kan også gi tilleggsoppdrag gjennom året.

Kva skjer vidare?

Etter at Helse Vest RHF får oppdragsdokumenta frå HOD, lager Helse Vest RHF styringsdokument til helseføretaka og Helse Vest IKT. Det skjer i midten av februar. Styringsdokumenta blir vedtatt i føretaksmøte mellom Helse Vest RHF og helseføretaka, og i generalforsamling for Helse Vest IKT AS.

Les meir om oppdrag og styringsdokument på Vårt oppdrag - Helse Vest RHF.

En dame med briller — Inger Cathrine Bryne er administrerande direktør i Helse Vest RHF.

Dette er Helse Vest RHF

Helse Vest RHF

er eitt av fire regionale helseføretaka i Noreg, og har ansvaret for å drive spesialisthelsetenesta i Vestland og Rogaland.
skal sørgje for at befolkninga på kring 1,1 million innbyggjarar på Vestlandet får likeverdige og gode spesialisthelsetjenester når dei treng det.
er eigd av staten, som styrer gjennom Helse- og omsorgsdepartementet.
eig sjukehusføretaka Helse Stavanger, Helse Bergen, Helse Førde og Helse Fonna. Haukeland universitetssjukehus, Stavanger universitetssjukehus, Haugesund sjukehus og Førde sentralsjukehus er blant sjukehusa som høyrer til helseføretaka i vårt område.
eig og dei regionale verksemdene Sjukehusapoteka Vest og Helse Vest IKT AS.
I tillegg har vi samarbeidsavtalar med private legar, psykologar og psykiatrar (avtalespesialistar). og kjøpar helsetenester frå private, ideelle insitusjonar og privat aktørar.
eig og nasjonale selskap saman med dei tre andre regionale helseføretaka i fellesskap. Det er Luftambulansetjenesten HF, Pasientreiser HF, Sykehusinnkjøp HF, Sykehusbygg HF og Helsetjenestens driftsorganisasjon for nødnett HF.
har 84 medarbeidere per 2026. I heile Helse Vest-regionen, med alle føretaka og sjukehusa, er det om lag 34 000 medarbeidarar.

Dette er oppdraga vi skal løyse i 2026

Hovudmåla for 2026

Kva skjer vidare?

Adresse

Postadresse

Organisasjon