Helse Vest vil prioritere...
...sikre rett kompetanse til rett oppgåver gjennom tydeleg oppgåvedeling og meir effektiv bruk av samla kompetanse og kapasitet
...styrke rekruttering og stabilisering av medarbeidarar gjennom gode introduksjonsløp, utviklingsmoglegheiter og føreseielege arbeidstidsordningar
...etablere systematisk kompetanse- og bemanningsplanlegging basert på behov, aktivitet og framskrivingar
...prioritere spesialistutdanning og praksisnær opplæring som grunnlag for kvalitet, rekruttering og stabilitet
...styrke fagmiljø gjennom samarbeid i nettverk og på tvers av sjukehus og fagområde
...ta i bruk teknologi og digitale løysingar som avlastar helsepersonell og gir betre planlegging og oppgåveløysing
...vidareutvikle leiing som fag, med tydelege krav til gjennomføringsevne, prioritering og evne til å leie omstilling
...arbeide systematisk med arbeidsmiljø og HMS for å redusere sjukefråvær, belastning og uønskt variasjon
Helse Vest er ein attraktiv arbeidsplass med robuste fagmiljø, godt medarbeidarskap og tydeleg leiing. Kompetansen blir brukt der han gir størst verdi, og arbeidsformene er tilpassa framtidige behov.
Fram mot 2042
Helse Vest har tilstrekkeleg og riktig kompetanse til å møte framtidige behov, utan vesentleg auke i bemanning.
Arbeidsformer og oppgåvedeling er endra slik at helsepersonell får brukt meir av tida si på pasientane, og produktiviteten er styrkt gjennom betre organisering av arbeidet.
Fagmiljøa er robuste og samarbeider tett i regionale nettverk som sikrar kvalitet, læring og utvikling.
Leiing er styrkt som fagområde, og organisasjonen har høg gjennomføringsevne og evne til omstilling.
Bakgrunn
Spesialisthelsetenesta står overfor aukande etterspurnad, fleire pasientar med samansette behov og avgrensa tilgang på helsepersonell. Den demografiske utviklinga gjer at behovet for tenester aukar, medan tilgangen på medarbeidarar vil vere avgrensa.
Det er ikkje mogleg å bemanne seg ut av utfordringane. Oppgåvene må løysast på nye måtar, med betre bruk av kompetanse, tydeleg oppgåvedeling og meir effektiv organisering av arbeidet.
Fagmiljø i delar av regionen er små og sårbare, og høgt arbeidspress påverkar stabilitet og utviklingsevne. Samstundes er gode fagmiljø, leiing og utviklingsmoglegheiter avgjerande for å rekruttere og behalde medarbeidarar.
Teknologi og nye arbeidsformer gir moglegheiter for betre ressursutnytting, men krev systematisk kompetanseutvikling og tydeleg leiing.